Kurti në Ditën e Pavarësisë të Ukrainës: Kosova qëndron në krah të një paqeje të drejtë dhe të qëndrueshme

Me rastin e Ditës Kombëtare të Ukrainës, Kryeministri i Kosovës, Albin Kurti, ka rikonfirmuar përkushtimin e Republikës së Kosovës për të mbështetur pavarësinë, integritetin territorial dhe sovranitetin shtetëror të Ukrainës.

Në një postim në platformën X, Kurti theksoi se Kosova qëndron krah Ukrainës dhe popullit të saj të guximshëm përballë agresionit të Rusisë, duke kontribuar përmes sanksioneve ndaj Federatës Ruse dhe strehosjes së qytetarëve ukrainas në Kosovë.

“Sot, në Ditën Kombëtare të Ukrainës, riafirmojmë përkushtimin tonë për mbështetjen e pavarësisë, integritetit territorial dhe sovranitetit shtetëror të saj, si dhe përpjekjet e aleatëve tanë për një paqe të drejtë dhe të qëndrueshme,” shkroi Kurti.

Ai shtoi se Kosova vazhdon të qëndrojë në unitet kundër luftës, dhe në përkrahje të paqes në Ukrainë./IndeksOnline/

Today, on Ukraine’s National Day, we reaffirm our commitment to supporting its independence, territorial integrity and state sovereignty, as well as the efforts of our allies in achieving a just and lasting peace. Through sanctions and by hosting Ukrainians in Kosova, we have…

— Albin Kurti (@albinkurti) August 24, 2025