Kurti në takim me Soltes: Bashkimi i Mitrovicës, më i rëndësishëm se ulësja në OKB

Kryetari i Lëvizjes Vetëvendosje, Albin Kurti ka zhvilluar një takim me raportuesin e Bashkimit Evropian për Kosovën,  Igor Šoltes, me të cilin ka biseduar për situatën politike dhe institucionale në Kosovë, për drejtësinë dhe EULEX-in e po ashtu për dimensionin social e ekonomik të vendit.

Kurti gjatë takimit theksoi se për shtetndërtimin dhe zhvillimin e vendit, bashkimi i Mitrovicës është më i rëndësishëm sesa ulësja në OKB që po premtohet pa mbulesë, transmeton Indeksonline.

“Tash kur shënojmë një dekadë të EULEX-it mund të themi se ai ka dështuar sa i përket si krimeve të luftës po ashtu edhe krimeve të paqes”, ka thënë Kurti.

Ky takim ishte në kuadër të një bashkëpunimi të vazhdueshëm të Lëvizjes VETËVENDOSJE! me përfaqësuesit dhe zyrtarët nga Bashkimi Evropian.