Kurti: Nga sot po punojmë në pakon e masave për ndihmë pas rritjes së çmimeve

Kryeministri Albin Kurti ka folur për rritjen e çmimeve në vend. Ai ka thënë se Kosova varet nga importi dhe s’kishte si të mos ndikohej nga rritja e çmimeve.

Sipas tij, kjo është mesazh i qartë për riorientimin e ekonomisë në prodhim.

“Fushata që në qendër ka fajësimin e Qeverisë, për efekt mund të ketë vetëm shtrimin e terrenit për manipuluesit për të ngritur çmimet dhe në anën tjetër të nxisë frikë, nervozë e panik te qytetarët si konsumatorë. Nga sot e ditëve në vijim, po punojmë që të kemi pako masash që të kaloni më lehtë këtë gjendje”, ka thënë ai.