Kurti ngushëllon familjen Gashi: Vdekja e Sulejmanit, humbje e madhe për të gjithë ne

Kreu i Lëvizjes Vetëvendosje, Albin Kurti ka shprehur ngushëllimet e tij me rastin e vdekjes së korrespodentit të RTK-së, Sulejman Gashi.

“Sulejmani ishte korrespodent i RTK-së në ShBA, i cili gjatë luftës e edhe më pas e mbajti të informuar tërë publikun shqiptar mbi padrejtësitë që i bëheshin popullit tonë dhe për zhvillimet e tjera politike që ishin me interes për kombin tonë. Profesionalizmi ishte mënyra e tij. Do të kujtohet për raportimet e tij të veçanta dhe cilësore. Kontributi dhe puna e Sulejmanit janë shembull për gazetarët e rinj”, ka shkruar mes tjerash ai, transmeton IndeksOnline.

Shkrimi i tij i plotë:

Më shoqëroi në të gjitha takimet dhe udhëtimet gjatë vizitës. Ishte shqiptari i parë që takova në ShBA kur shkova atje për herë të parë në fund të nëntorit 1997. Dje ndërroi jetë gazetari Sulejman Gashi. Sulejmani ishte korrespodent i RTK-së në ShBA, i cili gjatë luftës e edhe më pas e mbajti të informuar tërë publikun shqiptar mbi padrejtësitë që i bëheshin popullit tonë dhe për zhvillimet e tjera politike që ishin me interes për kombin tonë. Profesionalizmi ishte mënyra e tij. Do të kujtohet për raportimet e tij të veçanta dhe cilësore. Kontributi dhe puna e Sulejmanit janë shembull për gazetarët e rinj. Ngushëllime familjes: Tones, Drilonit e Sarandës, Egzonit e Janinës. Ngushëllime bashkëpunëtorëve, shikuesve e lexuesve të Radiotelevizionit dhe gazetës “Illyria” për këtë humbje të madhe për të gjithë neve.