Kurti ngushëllon popullin amerikan, pas vdekjes së Jimmy Carter
Kryeministri i vendit, Albin Kurti, i ka shprehur ngushëllime popullit amerikan pas vdekjes së ish-presidentit Jimmy Carter.
Kurti, përmes një postimi në platformën ‘X’, tha se presidenti Carter i lë botës një trashëgimi të madhe shërbimi për të drejtat e njeriut dhe prosperitetin në Shtetet e Bashkuara dhe më gjerë.
“Në emër të Qeverisë dhe popullit të Republikës së Kosovës, i shpreh ngushëllimet më të thella familjes së presidentit Jimmy Carter dhe popullit amerikan për ditën e ndarjes nga jeta. Një shekull pas fillimeve të tij modeste në një familje të klasës punëtore në Plains, Georgia, Presidenti Carter i lë botës një trashëgimi të madhe shërbimi për të drejtat e njeriut dhe prosperitetin në Shtetet e Bashkuara dhe më gjerë. U preftë në paqe”, ka shkruar Kurti./Indeksonline/
On behalf of the Government and the people of the Republic of Kosova, I express my deepest condolences to the family of President Jimmy Carter and the American people on the day of his passing. A century after his humble beginnings in a working-class family in Plains, Georgia,…
— Albin Kurti (@albinkurti) December 29, 2024
