Kurti për BBC-në: Nuk do ta lejoj kurrë bosnjëzimin e Kosovës

Kryeministri i Kosovës, Albin Kurti, në një intervistë për BBC-në ka thënë se Serbia po dëshiron bosnjëzimin e Kosovës.

Por, Kurti ka insistuar se nuk do ta lejojë kurrë këtë.

“Kur Asociacioni nuk u implementua, asnjë serb në Kosovë nuk protestoi. Ishte Beogradi që u zemërua. Në vitin 1991, më 26 prill, 14 komuna me shumicë serbe në Bosnjë-Hercegovinë u bënë bashkë e krijuan Asociacionin. Më 9 janar 1992, e shpallën pavarësinë, më 28 shkurt 1992, e bënë Kushtetutën e tyre, më 14 dhjetor 1995 në Dejton arritën njohjen ndërkombëtare. Duan ta përsëritin Bosnjën në Kosovë. Nuk do ta lejoj këtë, pavarësisht nëse jam në opozitë apo qeveri. Për këtë më votuan njerëzit, të parandaloj bosnjëzimin e Kosovës. Jam i bindur se me programin tonë, do të ndihmojmë serbët po aq sa shqiptarët. Nëse pyesni serbët në Kosovë se cilat janë shqetësimet e tyre kryesore, ata thonë punësimi dhe drejtësia. Beogradi dëshiron të ketë shtet brenda një shteti. Shtetin e Serbisë brenda Kosovës së pavarur”, ka thënë Kurti.

Kosovo's PM @albinkurti for BBC: They [Serbia's regime] want to repeat Bosnia in Kosovo. I am not going to allow this. And that's why people voted for me. I am confident that with our program we are going to help Kosovo Serbs as much as Albanians. Serbs also want jobs & justice. pic.twitter.com/B2YsBLZu5i

— Admirim (@admirim) November 2, 2021