Kurti priti në takim Komandantin e KFOR-it, flasin për situatën e sigurisë

Kryeministri i Kosovës, Albin Kurti, priti sot në takim komandantin e misionit të NATO-s në Kosovë, KFOR, gjeneralmajor Özkan Ulutaş.

Sipas njoftimit për media në këtë takim është diskutuar lidhur me situatën e sigurisë.

‘’Në takim u diskutua për situatën e sigurisë, në një kohë të zhvillimeve dhe ndryshimeve të mëdha në botë që mund të paraqesin sfida për sigurinë, me ç’rast Kryeministri vlerësoi komunikimin e mirë dhe të vazhdueshëm’’, thuhet në njoftim.

Po ashtu gjatë takimit Kurti e falënderoi komandantin Ulutaş për kontributin dhe rolin e tij të rëndësishëm në udhëheqjen e KFOR-it dhe për bashkëpunimin me institucionet e Republikës së Kosovës./Indeksonline/