Kurti refuzoi vaksinat kineze/ Edi Rama: Nuk futem në këtë grackë

Kryeministri Edi Rama refuzoi të komentonte qëndrimin e homologut të Kosovës, Albin Kurti për vaksinat që i ofroi Shqipëria.

Në studion e “Zgjedhje 2021” në “Vizion Plus”, Rama tha se kjo është një grackë dhe shtoi se Kurti është në të drejtën e tij të refuzojë.

“Nuk futem në këtë grackë. Nuk kam koment. Deri në 25 prill nuk kam asnjë koment për këtë. Refuzimi i vaksinimit është e drejtë sovrane e kryeministrit, qeverisë, e Kosovës. Nuk kam asnjë koment po të them”, u shprehë ai.