Kurti: Si kryeministër i ri, do t’i realizoj të gjitha zotimet dhe premtimet

Nuk kanë mbetur edhe pak minuta deri tek shpallja preliminare e rezultateve nga KQZ-ja.

Derisa partia fituese sipas rezultateve deri më tani, është Lëvizja Vetëvendosje.

Kryetari i kësaj partie, njëherit kandidat për kryeministër, Albin Kurti për T7 ka thënë se VV tashmë është fituese dhe së bashku me partnerin e koalicionit do t’i kenë së paku 60 deputetë.

Ai ka thënë se pikërisht sot ka ndodhur çkapja e shtetit.

“VV është fiuese e zgjedhjeve, me koalicionin qeverisës së paku do t’i kemi 60 deputetë. Sot qytetarët e Kosovës vendosën ta shpëtojnë Republikën nga kapja e shtetit, ata e kanë shpëtuar shtetin. Së shpejti do ta kemi edhe qeverinë. Unë do të bëj përpjekje që legjislatura e re të bëhet sa më shpejtë, derisa qysh nesër do ta thërras LDK-në sepse s’kemi kohë për të humbur”, tha Kurti, përcjellë Indeksonline.

Ai tutje shtoi se si kryeministër i ri do t’i realizoj të gjitha zotimet dhe premtimet që i ka dhënë.

“Ne e kemi synimin dhe objektivin për koalicion me LDK-në. Do të ishte e gabueshme dhe jo falënderuese nësë do të mendimin çkado tjetër”.

Kurti shtoi se deri më tani asnjë politikan nuk e ka uruar për fitoren./Indeksonline/