Kurti: Sot njëzëri një klub i stërvjetëruar politikisht thanë se s’janë për zgjedhje
Kryeministri në detyrë, Albin Kurti ka mbajtur një konferencë për media ku ka deklaruar se presidenti si organ kushtetues i jep të drejtën për të përmbushur vetëm një veprim të përcaktuar nga kushtetutëdhënësi.
“Pra shpërndarjen e Kuvendit në përputhje me nenin 82, pika 2 të Kushtetutës. Se kjo është procedura e vetme të cilën e parasheh kushtetua e Kosovës nuk është vënë asnjëherë në dyshim, as në praktikën e deritanishme kushtetuese nuk ka pasur asnjëherë takime konsultative me partinë që ka fituar shumicën në Kuvend është një fakt i njohur nga të gjithë. Se presidenti shpërfillë rastet e vitit 2010 2016, poashtu është një fakt i mirënjohur në fakt se zgjedhjet janë një opsion i vetëm pas një mocioni mosbesimi është theksuar nga vetë presidenti në vitin 2010, kur kanë kërkuar votat promocionit të mosbesimit ai ka theksuar se “sot besoj se do të votoni drejtë duke i dhënë fund krizës institucionale e politike, e pastaj të dilni para qytetarëve në zgjedhje të reja për të rimarrë besimin e tyre, për të bërë një veprim të tillë në përputhje me Kushtetutën, i hapni rrugë krijimin e institucioneve të reja me legjitimitet të ri”, është krejtësisht e pakuptueshme për mua se në mbi çka po drejtohet ky standard i dyfishtë që s’po ndihmon në krizën aktuale, por po e thellon vendin në një krizë tjetër të panevojshme, krizë pasigurie dhe frustrimi”, tha Kurti, shkruan Indeksonline.
Sipas tij, situate aktuale njëmend nuk lejon mbajtjen e zgjedhjeve tash për tash, por se të njëjtit nuk kanë kërkuar të mbahen tani.
“Ajo çka nuk e kam të qartë është standardi i dyfishtë presidenti dhe partitë politike po duan të instalojnë pas atij mocioni mosbesimi që nuk dallon nga aspekti material nga praktikat e mërhershme.Dy herë kam kërkuar përgjigje me shkrim për këtë akoma s’kam marrë asnjë përgjigje dhe e kam të vështirë të kuptoj logjikën me të cilën ky president po navigon.Nuk i ka ato kompetenca për të përcaktuar ai vetë a refuzuan apo jo, apo se si duhet të duket qeveria e vendit tonë. Duke u munduar të na rrëzojë ne, po e rrëzon veten dhe atë pakthyeshëm.Sot njëzëri një klub i stërvjetëruar politikisht thanë se nuk janë për zgjedhje. Prioritet i imi i parë si kryeministër dhe i gjithë qeverisjes është parandalimi i përhapjes së mëtejshëm të virusit COVDI-19 dhe çdo gjë tjetër partiake apo politike nuk ka asnjë rëndësi, duke përfshirë ndërhyrjen e vazhdueshme që po pengojnë punën e qeverisë në mes të një gjendje emergjente të shëndetit publik”, tha Kurti./Indeksonline/
