Kusari-Lila pasi dështoi koalicioni me LVV thotë se partia e saj mund të shkoj e vetme në zgjedhje

Kryetarja e partisë Alternativa, Mimoza Kusari-Lila nuk e ka larguar mundësinë që të shkojnë të vetëm në zgjedhje.

Pasi dështoi koalicioni me Lëvizjen Vetëvendosje, Kusari-Lila u shprehë për Indeksonline se nuk ka asgjë konkrete për ndonjë koalicion të mundshëm.

“Nuk e kemi të sigurt asgjë, për shkak se, e para është afat i shkurtër, e dyta nuk ka asgjë konkrete për të cilën nuk mundem me u deklaruar tashmë.”, u shprehë ajo.

Tutje, ajo nuk e largoi mundësinë që Alternativa të shkoj e vetme në zgjedhje.

“Po natyrisht, deri në ora 12-të nëse nuk ka asgjë, atëherë shkojmë vet në zgjedhje.”, përfundoi ajo./Indeksonline/