Kush është shqiptari i kërkuar për 3 vrasje i arrestuar pas 26 vitesh në Romë

Një prej shqiptarëve të kërkuar më të rrezikshëm, për vrasje të trefishtë është vënë sot në pranga nga policia italiane. Operacioni i koduar “Wanted 3”, i cili konsistonte në një bashkëpunim të Policisë së Shtetit, Interpol Tirana, Interpol Romë dhe Policisë Italiane, është finalizuar me sukses.

I arrestuari është shtetasi Bardh Lula (Luli) 49 vjeç, lindur në Lezhë. Ai ishte i shpallur në kërkim ndërkombëtar pasi Gjykata e Rrethit Gjyqësor Lezhë, në vitin 1996 e ka dënuar me “Burgim të përjetshëm” për veprën penale “Vrasje në rrethana të tjera cilësuese”.

Në 12 në 1993 ai ka vrarë me armë për motive të dobëta 3 persona me iniciale N.L., P.L. dhe M.L. 49-vjeçari fshihej në Itali me emër e dokumentacion të falsifikuar si shtetas boshnjak. Autoritetet thonë se vijojnë procedurat për ekstradimin drejt Shqipërisë të personit të dënuar me burgim të përjetshëm.