Kushtet e LDK-së në takimin e sotëm, s’ka takime gjatë këtyre ditëve…!

Lidhja Demokratike e Kosovës nuk e ka ndërmend të tërhiqet nga kërkesat e saja për bashkëqeverisje me Lëvizjen “Vetëvendosje”.

Edhe në takimin e sotëm, të zhvilluar në Kuvendin e Kosovës, dy partitë nuk janë dakorduar për marrëveshje.

Një zyrtar i lartë i LDK-së, i cili ishte i pranishëm në takim, i ka thënë “Indeksonline” se nuk do të ketë takime gjatë këtyre ditëve.

“E them se as sonte nuk kemi arritur marrëveshje me LVV-në. Nuk pritet ndonjë takim të zhvillohet edhe gjatë kësaj jave”, ka thënë ai, duke shtuar se partia e Kurtit dyhet t’i bindet kërkesave të subjektit të Isa Mustafës.

Kësisoj, LDK-ja ka sqaruar edhe sonte që ndarja e dikasteve qeveritare ka ndryshuar pasi VV-ja e “rrëmbeu” kryetarin e Kuvendit dhe mospërgjigja për çështjen e presidentit.