10:59 / E Diele, 27 Nëntor 2022 / MSH
Kuvendi i përbashkët Shqipëri-Kosovë bashkon deputetët shqiptarë
Deputetët e Kuvendit të Republikës së Kosovës kanë udhëtuar drejt Tiranës, për t’iu bashkuar deputetëve të Republikës së Shqipërisë, për të mbajtur seancën e parë të përbashkët mes dy kuvendeve.
Kjo seancë po mbahet për nder të 110 vjetorit të Pavarësisë së Shqipërisë.
Deputetët e dy Kuvendeve kanë qenë të lumtur për këtë seancë duke u takuar si miq të vjetër e duke shkëmbyer fjalë përpara fillimit të seancës.
