Ky djalosh sot pritet të thyej dy rekorde historike në Champions League

Youssoufa Moukoko është ftuar për herë të parë për një ndeshje të garave evropiane me Borusia Dortmundin.

Supertalenti i lindur në Kamerun ka shansin e madh që të thyej rekorde historike në Ligën e Kampionëve.

Në rast se Favre e inkuadron në lojë në përballjen që Dortmund e luan ndaj Brugges, Moukoko do të jetë futbollisti më i ri ndonjëherë që luan në Champions League, shkruan Indeksonline.

Nëse luan në ndeshjen e sotme, Moukoku do të ketë 16 vjet e 4 ditë, duke tejkaluar rekordin e mëparshëm të Celestine Babayaro , i cili luajti në 16 vjet e 84 ditë për Anderlechtin me 23 nëntor të vitit 1993.

Nëse Moukoko shënon sot gol, ai do të thyej rekordin e Ansu Fatit si golashënuesi më i ri në këtë garë.

Moukoko të shtunën ka thyer rekordin në Bundesliga duke u bërë më i riu që luan në këtë ligë me 16 vjet e 1 ditë./Indeksonline/