Ky është çifti që vdiq në aksidentin në Klinë

Dy persona kanë humbur jetën pasi një kombi-bus u përplas me një tren të udhëtarëve në Krushevë e Madhe të Klinës.

Burimet e Indeksonline kanë bërë të ditur se viktimat janë, burrë dhe grua Fahri dhe Vlora Gjocaj.

Në lidhje me aksidentin zëdhënësi i policisë për rajonin e Pejës, Fadil Gashi, për Indeksonline ka njoftuar se mjeku kujdestar ka konfirmuar vdekjen e tyre.

“E morëm konfirmimin nga mjeku kujdestar që kanë vdekur dy të lënduarit”, ka thënë Gashi./Indeksonline/