Ky është orari i ndeshjeve të Dritës në Conference League, e nis ndaj Kups-it, e përfundon me Vallecanon

Skuadra e Dritës për herë të parë në histori ka arritur të kualifikohet në fazën e ligës së Conference League.

Kampioni i Kosovës të premten ka mësuar edhe kundërshtarët, ku një nga ndeshjet më interesante do të jetë ajo ndaj Shkëndijës, shkruan IndeksOnline.

UEFA tashmë ka publikuar edhe datat dhe oraret e të gjitha ndeshjeve të fazës së Ligës.

Drita e nis rrugëtimin më 2 tetor, ku luan në Finland, kundës skuadrës së Kupsit.

Më 23 tetor, ”Intelektualët” në ”Fadil Vokrri” luajnë ndaj Omonia.

Ndeshjen e tretë bardhekaltërit e zhvillojnë si mysafire e Shelbourne, me 6 nëntor.

E ndeshja ndaj Shkëndijës, zhvillohet një ditë para festës së flamurit kombëtar, më 27 nëntor, në ”Fadil Vokrri”.

Më 11 dhjetor Drita do të jetë nikoqire e skuadrës holandeze, AZ Alkmar, derisa rrugëtimin e mbyll si mysafire e Rayo Vallecanos, ndeshje e cila zhvillohet më 18 dhjetor.

Në një intervistë për IndeksOnline, Drejtori Sportiv i Dritës, Valon Zymberi, ka thënë se do të shfrytëzojnë çdo mundësi dhe nga secila ndeshje do të mundohen të marrim maksimumin.