Ky është parashikimi i motit për sot

Sot, mbi vendin tonë pritet mot me vranësira dhe intervale me diell.

Në Rrafshin e Kosovës priten vranësira të shumta me reshje të pakta, ndërsa në Dukagjin do të ketë më shumë kthjellime gjatë ditës. Temperatura minimale pritet të zbresë deri në -4 gradë Celsius, ndërsa ajo maksimale do të arrijë deri në 9 gradë Celsius në Dukagjin.

Fillimi i javës së re do të karakterizohet nga ngrica në mëngjes, ndërsa dita do të vijojë me vranësira dhe intervale diellore. Erërat do të ndryshojnë drejtim dhe gradualisht do të fillojnë të fryjnë nga jugu, duke sjellë një rritje të ngadaltë të temperaturave.

Reshje të reja shiu priten nga e marta, fillimisht në disa zona të Shqipërisë, e më pas edhe në disa rajone të Kosovës. Megjithatë, reshjet në Kosovë pritet të jenë të pakta, bazuar në parashikimet aktuale.