Ky është “Range Rover-i” i drejtoreshës poshtë ishte vendosur tritol, si e parandaloi policia në kohë atentatin

Kjo është makina tip “Range Rover” në pronësi të drejtoreshës Suida Kuka, poshtë së cilës ishte vendosur një pako me lëndë plasëse.

Ngjarja ndodhi pasditen e sotme në lagjen “Vojo Kushi” në Shkodër.

Aktualisht Suida Kuka mban postin e  Drejtoreshës së Operatorit të Kujdesit Shëndetësor, post të cilin e mori në maj të këtij viti.

Policia ka dhënë detaje në lidhje me shpërthimin e pakos.

“Në vijim të informacionit paraprak për një pako të dyshimtë që u konstatua në lagjen “Vojo Kushi”,  Shkodër, në afërsi të një mjeti “Range Rover”, në pronësi të shtetases Suida Kuka, banuese në fshatin Demiraj, Malësi e Madhe, me detyrë Drejtoreshë e Drejtorisë së Shëndetit Publik Shkodër, ju informojmë se: Në vendin ku u konstatua pakoja e mbyllur erdhi njësia antieksploziv e RENEA-s, e cila bëri shpërthim të kontrolluar të pakos, brenda së cilës rezultoi se kishte lëndë eksplozive.

Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, vijon veprimet për zbardhjen e rrethanave të ngjarjes, identifikimin dhe kapjen e autorit.”