Ky është reagimi i Jakup Krasniqit, pas lirimit të Limajt
Zëvendës kryeministri i vendit, Fatmir Limaj u shpall sot i pafajshëm për të gjitha pikat e aktakuzës për rastin gjyqësor të njohur si MTP. Menjëherë pas lirimit të tij, të parin e Nismës e ka uruar edhe bashkëpartiaku i tij, Jakup Krasniqi.
Kryetari i këshillit kombëtar të Nismës për Kosovën, Jakup Krasniqi ka theksuar se vendimi për lirimin e Limajt ishte i drejtë dhe po ashtu në kohën e duhur të drejtësisë, transmeton ‘Indeksonline’.
Ai ka shtuar duke thënë “Urime e të priftë e mbara Fatmir Limaj!”, ka thënë Krasniqi ndër të tjerash.
Postimi i plotë i Krasniqit:
Limaj lirohet nga të gjitha pikat e aktakuzës për rastin MTPT
Gjykata Themelore e Prishtinës ka shpallur të pafajshëm Fatmir Limajn në lidhje me të gjitha pikat e akuzës në kohën sa ishte ministër i Transportit.
Vendim i drejtë dhe në kohën e duhur i Drejtësisë!
Një fitore tjetër e madhe e Fatmir Limajt në përballje më padrejtësinë!
Urime e të priftë e mbara Fatmir Limaj!/Indeksonline/