Lajçak flet për dialogun me përfaqësues të opozitës në Serbi

I dërguari i BE-së për dialogun Kosovë-Serbi, Miroslav Lajçak, ka bërë të ditur se sot është takuar me përfaqësuesit e partisë opozitare serbe, Fronti i së Gjelbrës së Majtë.

Ai, me anë të një shkrimi në platformën X, ka thënë se ata kanë biseduar për dialogun Kosovë-Serbi.

“U takova me përfaqësuesit e partisë opozitare serbe, Fronti i së Gjelbrës së Majtë për një bisedë të sinqertë rreth dialogut për normalizimin e marrëdhënieve me Kosovën”.

“Ne folëm edhe për zgjedhjet, pasojat e tyre dhe zhvillimet e fundit në Serbi”, ka thënë Lajçak.

Met with representatives of the Serbian opposition party Green-Left Front for an honest conversation about the Dialogue on normalisation of relations with Kosovo. We also spoke about the elections, their aftermath and recent developments in Serbia. pic.twitter.com/kmQzcBblhO

— Miroslav Lajčák (@MiroslavLajcak) January 22, 2024