Lajm i madh, më 27 qershor në Washingon fillon dialogu Kosovë-Serbi

I dërguari i posaçëm presidencial Richard Grenell përmes një postimi ka konfirmuar se më 27 qershor do ta takohen në Washington, në Shtëpinë e Bardhë, për diskutime në lidhje me dialogun Kosovë-Serbi.

Ai tha që ka marrë angazhimin nga Kosova dhe Serbia për ta ndalur përkohësisht fushatën e mosnjohjes, shkruan Indeksonline.

“Lajm i madh! Kam marrë angazhimin nga qeveria e Kosovës dhe e Serbisë për të ndaluar përkohësisht fushatën e mosnjohjes dhe kërkimin e anëtarësimit ndërkombëtar në mënyrë që të takohemi në Uashington, DC në Shtëpinë e Bardhë më 27 qershor në diskutime për Dialogun.

Nëse secila palë është e pakënaqur me diskutimet e 27 qershorit, ata do të kthehen në status quo pasi të largohen nga Uashingtoni.

Siç kemi thënë vazhdimisht, së pari duhet të përparojmë në rritjen e ekonomive. Ky është fokusi. Mezi pres këto diskutime”, u shpreh ai.

If either side is unsatisfied with the June 27 discussions then they will go back to the status quo after they leave Washington.
As we have consistently said, we must first make progress on growing the economies. This is the focus. I look forward to these discussions. (2/2) https://t.co/r5QLDuC1XI

— Richard Grenell (@RichardGrenell) June 15, 2020