Lajm i mirë për adhuruesit e “One Direction”, grupi drejt ribashkimit

Tifozët e One Direction janë në ankth pasi duket se grupi i tyre i preferuar mund të rikthehet së bashku.

Banda e djemve theu zemrat në 2015 duke u ndarë më pas, kur anëtar i tyre, Zayn Malik u largua nga grupi.

Por, tani ka shpresë që t’i shohin përsëri së bashku.

Adhuruesit e tyre vunë re fundjavën e kaluar që llogaria zyrtare e Twitter One Direction dhe llogaritë që i përkasin anëtarëve Harry Styles, Liam Payne, Louis Tomlinson dhe Niall Horan po ndjekin edhe një herë llogarinë e Zayn Malik.

Të dielën, Payne u shfaq në një lidhje “live” Instagram me bashkëpunëtorin e tij të fundit muzikor, DJ suedez Alesso.

“Ka kaq shumë pyetje për One Direction”, tha Alesso për Payne. “Por unë nuk dua të iu vë në siklet, sepse e di se nuk mund të thuash shumë.”

Payne zbuloi se shumë prej anëtarëve të One Direction janë aktualisht në Londër dhe janë përpjekur të rregullojnë takimet e FaceTime.

“Nuk mund të them shumë,” tha Payne. “Louis më tha të mos zbuloj planet tona.”

Në vitin 2017, Horan shpresoi që një ribashkim të ndodhte , dhe duke pasur parasysh që ribashkimi 10-vjeçar i grupit ndodh këtë vit, është koha e duhur.

Por a do të bashkohet Zayn Malik me ta?

“Ju mund të hyni dhe të plotësoni Zayn dhe të bashkoheni në grup,” i tha me shaka Payne Alesso gjatë lidhjes së drejtpërdrejt./Indeksonline/