Lajm i mirë për Milanin, Leao pranon rinovimin e kontratës

Rafael Leao raportohet se ka rënë dakord për të rinovuar kontratën me Milanin.

Sipas “La Gazzetta dello Sport”, palët arritën një marrëveshje verbale gjatë një takimi të enjten mbrëma.

Te klubi i Milanit thuhet se tani shpresojnë që kontrata e re do të zyrtarizohet javën e ardhshme.

Leao fiton 1.5 milionë euro në sezon, me kontratën e tij aktuale që skadon në qershor të vitit të ardhshëm 2024.

Sipas mediumit italian, portugezi dhe Milani tani janë afër finalizimit të një zgjatjeje të kontratës me vlerë 7 milionë euro për pesë vitet e ardhshme. Marrëveshja vjen gjithashtu me një bonus nënshkrimi prej 2 milionë eurosh.

E vetmja pjesë që mungon është marrëveshja mes Milanit dhe Sporting Lisbonës, e cila megjithatë nuk ka qenë kurrë kaq e afërt për t’u arritur.

23-vjeçari i detyrohet 22 milionë euro ish-klubit të tij pasi e ndërpreu kontratën në mënyrë të njëanshme në vitin 2018. Tarifa fillestare ishte 16.5 milionë euro e cila është rritur në 22 milionë euro me kosto ligjore dhe interesa.

Milani, krahas Lille, klubi të cilit ai iu bashkua si futbollist i lirë në vitin 2018, janë afër arritjes së marrëveshjes me Sportingun dhe drita jeshile nga Portugalia është e vetmja gjë që mungon para nënshkrimit të kontratës së re të Leaos.