Lakers gjejnë ritmin e fitoreve, Cleveland dominon në Lindje
Pas humbjes në debutimin sezonal vijnë dy fitore radhazi për Lakersin.
Ekipi kalifornian fitoi 127-91 ndaj Minnesota. Kyle Kuzma me 20 pikë e LeBroni me 18 ishin dy shënuesit më të mirë të Lakersit.
Marc finds LeBron, LeBron finds the rim x 2.
— Los Angeles Lakers (@Lakers) December 28, 2020
(?: @SpectrumSN) pic.twitter.com/goam4n06S7
Fitoren e parë sezonale korri skuadra e Golden State, që mundi në sekondat e fundit 129-128 Chicagon jashtë fushe. Curry realizoi 36 pikë, lider në fushë, por ndeshja u vendos nga Damion Lee, që realizoi koshin e fitores (Lee është kunati i Curry).
Një start të mirë i ka bërë këtij sezoni skuadra e Clevelandit, që i ka fituar të trija ndeshjet e luajtura deri tani (118-94 ndaj Philadelphia). Humbet skuadra e Milwaukee, që u ndal 130-110 nga New York.
NBA – Rezultatet e sotme
Charlotte – Brooklyn, 106-104
New Orleans – San Antonio, 98-95
Washington – Orlando, 113-120
Cleveland – Philadelphia, 118-94
New York – Milwaukee, 130-110
Chicago – Golden State, 128-129
Indiana – Boston, 108-107
Sacramento – Phoenix, 100-116
Lakers – Minnesota, 127-91
