Lampardi e do Brojën në Everton

Trajneri i Evertonit, Frank Lampard thuhet se po provon të përdorë lidhjet e tij me Chelsean për të sjellë dyshen Conor Gallagher dhe Armando Broja në “Goodison Park” këtë verë.

Dyshja shijuan një sezon të suksesshëm si të huazuar nga “Stamford Bridge” në sezonin 2021-22 në Premier Ligë me Crystal Palace dhe Southamptonin.

Si rezultat i formës së mirë, interesi për shërbimet e tyre është rritur përpara afatit kalimtar të verës, megjithëse trajneri i Chelseat, Thomas Tuchel, së fundmi konfirmoi se ai pret që dyshja të marrë pjesë në përgatitjet parasezonale të klubit.

Megjithatë, legjenda e Chelseat, Lampard po kërkon të përdorë kontaktet e tij me ish-klubin e tij në mënyrë që të rrëmbejë Gallagherin dhe Brojën në Everton në javët e ardhshme sipas gazetarit Pete O’Rourke.

Duke folur për GiveMeSport, O’Rourke tha: “Jam i sigurt se Frank Lampard do të përdorë të gjitha kontaktet që mundet në këtë treg transferimi për të provuar dhe përmirësuar këtë skuadër të Evertonit”.

“Natyrisht, ai ka lidhjet e tij me Chelsea, kështu që unë jam i sigurt se kjo mund të ndihmojë të Armando Broja ose Conor Gallagher”, shtoi ai.