Lanë Amerikën për luftën në Kosovë, SHBA: Do të bëjmë presion për zgjidhjen e vrasjes së vëllezërve Bytyqi

Ned Price, zëdhënës i Sekretarit amerikan të Shtetit Anthony Blinken, ka thënë se do të bëjnë presion për zbardhjen e rastit të vrasjes së vëllezërve Bytyqi.

Përmes një postimi, ai ka kërkuar drejtësi për vëllezërit Bytyqi, të cilët u vranë gjatë mbajtjes në paraburgim, në vitin 1999.

“Kanë kaluar 23 vite pa drejtësi për tre shtetas amerikanë, Ylli, Agron dhe Mehmet Bytyqi, të ekzekutuar në paraburgimin e policisë speciale serbe. Ne nuk do të harrojmë dhe do të vazhdojmë të bëjmë presion për zgjidhjen e këtij rasti”, ka shkruar ai në Tëitter, të premten.

Agron, Mehmet dhe Yll Bytyqi nga Kosova e shtetas amerikanë, ishin arrestuar në vitin 1999 në Serbi, për shkak të siç pretendonte Beogradi kalimit të paligjshëm të kufirit.

Ata janë liruar nga burgu pasi janë dënuar dhe më pas janë vrarë. SHBA-ja vazhdimisht ka kërkuar drejtësi prej tyre.