Lavrovit i përkeqësohet situata shëndetësore, në samitin e G20 në Indonezi

Ministri i Jashtëm rus Sergei Lavrov u dërgua në një spital pasi mbërriti për samitin e G20 në Bali. Burimet e qeverisë indoneziane njoftuan të hënën se Lavrov po merrte trajtim mjekësor në ishull. Burimet thanë se ministri vuante nga një problem në zemër.

G20 e fuqive kryesore ekonomike takohen në Bali të martën për një samit dy-ditor. Shefi i Kremlinit, Vladimir Putin, anuloi pjesëmarrjen e tij disa ditë më parë dhe tani po përfaqësohet nga ministri i tij i Jashtëm Lavrov, i cili mbërriti në Bali të dielën në mbrëmje.

Ministria e Jashtme ruse ka hedhur poshtë me vendosmëri raportet se Lavrov ishte në spital. Maria Zakharova, zëdhënëse e Ministrisë së Punëve të Jashtme, i quajti raportet përkatëse si të pavërteta./Indeksonline/