LDK-ja hap fushatën elektorale, Abdixhiku: Kosova është LDK

Lidhja Demokratike e Kosovës ka nisur zyrtarisht fushatën elektorale për zgjedhjet lokale të 12 tetorit.

Qindra përkrahës të partisë u mblodhën në Pallatin e Rinisë në Prishtinë, aty ku kryetari i LDK-së, Lumir Abdixhiku, prezantoi kandidatët për kryetarë komunash, shkruan IndeksOnline.

Abdixhiku tha se rikthimi i LDK-së në komunat që kanë nevojë për zhvillim është mision patriotik i Lidhjes.

“Lidhja Demokratike nuk është vetëm parti – është ndjenjë, shpresa e prindërve e fëmijëve tanë, është shpresa e gjeneratave të ardhme që do të vijnë pas nesh dhe do të krenohen me historikun e kësaj Lidhje që kalon çdo kohë. LDK është dashni”, u shpreh Abdixhiku.