Leart Sadiku shpërblehet nga Federata e Karatesë në ceremoninë e laureatëve 2025
Federata e Karatesë ka shpallur laureatët e vitit 2025, duke vlerësuar sportistët më të dalluar për arritjet e tyre, përkushtimin dhe kontributin e dhënë në zhvillimin e karatesë gjatë këtij viti.
Në mesin e të shpërblyerve është edhe Leart Sadiku, i riu nga klubi i Fushë Kosovës, i cili është nderuar me çmim për sukseset e tij të jashtëzakonshme në karate, duke dëshmuar talent, disiplinë dhe punë të palodhshme në arenën sportive.
Ceremonia e ndarjes së çmimeve është mbajtur dje në Hotel Sirius në Prishtinë, ku u mblodhën sportistë, trajnerë dhe përfaqësues të klubeve nga e gjithë Kosova.
Federata e Karatesë ka uruar të gjithë laureatët për sukseset e arritura, duke falënderuar njëkohësisht sportistët, trajnerët dhe klubet për angazhimin dhe përkushtimin e vazhdueshëm në avancimin e këtij sporti.
