Lëndohet Vedat Muriqi, probleme muskulore!

Sulmuesi kosovar Vedat Muriqi ka pësuar një shqetësim muskulor gjatë stërvitjes së paradites në kampin përgatitor të Fenerbahçe në “Topuk Yaylası”.

Sipas informacioneve të klubit, Muriqi ndjeu dhimbje në muskul dhe u detyrua ta ndërpresë seancën stërvitore para përfundimit të saj. Lëndimi ka ndryshuar planet e stafit teknik, ndërsa sulmuesi është larguar nga kampi për të vazhduar trajtimin mjekësor.

Ende nuk është bërë e ditur shkalla e dëmtimit apo sa kohë do t’i duhet Muriqit për t’u rikuperuar. Klubi pritet të publikojë informacione shtesë pas ekzaminimeve mjekësore./Indeksonline/