Lëshimi i komunikatave në gjuhën serbe, Kurti: Po iu ofrojmë serbëve informacione të sakta, në një epokë dezinformimi

Kryeministri i Kosovës, Albin Kurti, ka shkruar në Twitter se tash e një muaj më parë Zyra e Kryeministrit publikon komunikatat në dy gjuhë zyrtare, shqip dhe serbisht.

Sipas Kurtit kjo bëhet për të informuat qytetarët e Kosovës nga komuniteti serb e të ketë më pak dezinformime.

”Një muaj më parë Zyra e Kryeministrit – për herë të parë që nga pavarësia – filloi praktikën e publikimit të komunikatave në të dyja gjuhët zyrtare të Kosovës. Ky është një hap i vonuar dhe jetik për t’u ofruar serbëve informacione të sakta nga qeveria e tyre, në një epokë dezinformimi“, ka shkruar Kurti.