Liga e Kampionëve, ‘pengu’ më i madh i Mbappes në aventurën pariziene
Kur Kylian Mbappé nënshkroi një marrëveshje rinovimi për dy sezone, me opsionin e një sezoni tjetër opsional, të pa ekzekutuar në mënyrë të njëanshme nga lojtari. Së fundi njoftoi klubin parizien se do të largohet në qershor. Një nga arsyet e argumentuara nga mediat në Francë të atij rinovimi ishte se fitimi i Ligës së Kampionëve të parë në histori me PSG nuk ishte i njëjtë me të 15-tin te Real Madridi.
Vetë sulmuesi argumentoi se qëndroi prej dashurisë për vendin e tij, Francën, sepse kishte një përgjegjësi të madhe për të provuar të bënte historinë e ekipit parizien. Dy vite më vonë, me një letër të dërguar nga Mbappe në klub në qershor 2023, në të cilën njoftonte se nuk do të rinovonte deri në vitin 2025, është mundësia e fundit që lojtari ka për t’i dhënë PSG-së Ligën e parë të Kampionëve.
Historia nisi të mërkurën, në Paris, kundër Real Sociedad, në ndeshjen e parë të 1/8 finale, e fituar. Kthimi do të “vulosë” të kualifikuarin në çerekfinale. Edhe pse e ardhmja e tij ka monopolizuar fillimin e vitit për PSG-në, realiteti është se Mbappé dëshiron ta fitojë me çdo kusht Ligën e Kampionëve.
Nëse ende nuk e kishte komunikuar vendimin e tij përfundimtar, për të cilin klubi u vu në dijeni së fundi, kjo ndodhi sepse dëshironte të fokusohej në përpjekjen për të arritur një nga titujt e paktë që i mungojnë.
Zhgënjimet në vitet e fundit kanë qenë të shumta, sidomos në dy të mëparshmit, me dy eliminime në 1/8 finale, por entuziazmi mbetet i paprekur tek futbollisti, i cili e sheh veten më përgjegjës për të kurorëzuar një projekt që ka hyrë në dimension tjetër, pas largimeve të yjeve të shumtë, mes tyre Messi dhe Neymar.
Në 67 ndeshje të luajtura në Ligën e Kampionëve, kampioni i botës më 2018 ka shënuar 43 gola, duke rritur kështu rëndësinë e tij te PSG. Al Khelaïfi e bleu për më pak se Neymar, por me kalimin e viteve, rëndësia e tij u rrit deri në pikën që rinovimi u bë çështje shteti, me Macron, presidentin e Francës dhe shtetin e Katarit të zhytur në negociata të ethshme më 2022.
Real Sociedad është pengesa e parë që i del në rrugë Mbappes, me parizienët shumë pranë eliminimit në fazën e grupeve të Champions League. Francezi, i cili ka shënuar 4 gola në 7 ndeshje të këtij edicioni, duhet të marrë drejtimin që iu besua kur nënshkroi një nga kontratat më të mëdha në historinë e futbollit, në maj të vitit 2022.
