Limaj flet pas takimit me Mogherinin: Kosova i paraqiti kushtet e saja, s’hiqet taksa!

Shefi i Ekipit Negociator, Fatmir Limaj është deklaruar para gazetarëve pas takimit që zhvilloi Kosova me përfaqësuesit e lartë të Bashkimit Evropian, në krye me Federica Mogherinin.

Limaj tregoi se me Mogherinin diskutuan një sërë çështjesh; Liberalizimi i vizave, çështja e të pagjeturve, taksa… etj

Ai tha se duhet të jetë marrëveshje gjithëpërfshirëse që në zemër e ka njohjen. Ne kërkuam që të jepet një angazhim shtesë dhe Kosova ta merr lajmin e shumëpritur dhe të merituar. Ishte një rast i mirë i prezantimit të Kosovës në dialog. E bëmë të qartë se Kosova ka ekip shtetëror që përfaqëson vendin tonë. Tani do ta shohim se si do të përcaktohet agjenda”, u shpreh ai.

Sipas Limajt, çështja e taksës përfundimisht hiqet në rast se  Serbia njeh Kosovën.