Limaj në Kaçanik thotë se Nisma ua ka prishur kalkulimet shumë parashikuesve

Kryetari i Nismës Socialdemokrate, Fatmir Limaj ka thënë se rezultatet e Nismës Socialdemokrate kanë demantuar pritjet e shumë parashikuesve.
Skeptikët sipas tij, kanë përshkruar skenar të ndryshëm për Nismën kur kjo parti ka dalë në skenë.

Ka thënë se nuk është lehtë me fut një projekt politik në skenën kosovarë. Por, krejt kjo, sipas tij, është arritur falë një vendosmërie e përkushtimi të jashtëzakonshëm të aktivistëve e themeluesve të Nismës.

Limaj, ka thënë se Nisma nuk do t’i ndryshoj qëndrimet dhe parimet e veta për asnjë kusht dhe motiv.

“Kanë harruar që ne asnjëherë nuk kemi hequr dorë nga populli. Ne nuk presim njerëzit me në ardhë në zyre, ne shkojmë të ta. Ne ju rrimë afër. Duhet me pas përkushtim, vendosmëri e besim për të pasur një subjekt politikë dhe ne i kemi pasur tria këto”, ka thënë Limaj në Kuvendin e Punës të degës së Nismës në Kaçanik.

Më tutje, Limaj ka thënë se dega e Nismës në këtë komunë tashme është më e fuqishme dhe më e konsoliduar për zgjedhjet e reja kurdo që ato mbahen.
Limaj ka folur edhe për zotimet e Nismës në zgjedhjet parlamentare. Katër zotimet e Nismës, sipas tij, janë të përfshira në programin qeveritarë dhe po punojnë fort në realizimin e tyre.

Qytetarët, sipas tij, kanë krijuar simpati për Nismën edhe nga njerëzit të cilët nuk e kanë votuar Nismën Socialdemokrate.

Ai ka thënë se subjekti të cilin ai e drejton është në rrugë të drejtë.

Kryetari i Degës së Nismës në Kaçanik, Agim Çaka ka thënë se mbështetja e qytetarëve të Kaçanikun në Nismën Socialdemokrate po rritet çdo ditë e më shumë.
Çaka tha se programi socialdemokrat i Nismës po përqafohet më të madhe nga qytetarët e kësaj komune.

Ai është shprehur optimist se fuqia e Nismës në këtë komunë do të jetë shumë më e madhe se sa është tani pas zgjedhjeve të ardhshme komunale.