11:23 / E Martë, 09 Prill 2019 / indeksADMonline
Lisi bie mbi një veturë në Prishtinë
Reshjet e dendura të shiut që filluan dje kanë shkaktuar edhe dëme në kryeqytet.
Në parkingun që gjendet në rrugën “Simon Shiroka”, afër stacionit të policisë “Qendra”, mëngjesin e sotëm është dashur intervenimi i zjarrfikëseve për të larguar një lis i cili kishte rënë mbi një automjet që gjendej në parkingun në këtë lagje.
Në vendin e ngjarjes ka dalë edhe policia, ambulanca dhe zjarrfikësit të cilët prapa kamerave i kanë thënë Ekonomia Online, se ngjarja kishte ndodhur rreth orës 07.30 të mëngjesit dhe për fat të mirë nuk u lëndua askush.
