Liverpooli gjen zëvendësuesin e Firminos
![](https://indeksonline.net/wp-content/uploads/2022/02/roberto-firmino-liverpool.jpg)
Sipas disa spekulimeve që po qarkullojnë, ylli i Juventusit Paulo Dybala është lojtari i parë që Liverpooli do të bëjë çmos për ta transferuar nëse Roberto Firmino largohet nga klubi.
Dybala ishte pjesë e Palermos para se të transferohej te Juventusi në vitin 2015, ku që nga ajo kohë ka regjistruar 157 gola në 277 paraqitje.
Javëve të fundit, Dybala ka qenë vazhdimisht i lidhur me një transferim te Liverpooli, ku ky i fundit pritet që gjatë verës të tentojë me çdo kusht për ta transferuar yllin argjentinas.
Sipas “TuttoMercatoWeb”, Liverpooli ka qenë vazhdimisht duke e monitoruar situatën e Dybalas, pasi që janë duke e planifikuar të ardhmen e tyre pa sulmuesin Roberto Firmino.
Trajneri i “Të Kuqve” Jurgen Klopp është admirues i madh i yllit të Juventusit, dhe se e synon transferimin e tij nëse Firmino largohet gjatë verës.