Liverpooli me të gjitha fitore, të gjithë po i sheh mbrapa

Liverpooli vazhdon serinë e tyre me të gjitha fitore në Premierligë.

Skuadra e drejtuar nga Jurgen Klopp ka mposhtur Chelsean në “Stamford Bridge” me rezultat 1-2 në ndeshjen e xhiros së gjashtë.

Reds kaluan në epërsi në minutën e 14-të me një gol të bukur nga Alexander-Arnold nga gjuajtja e lirë, shkruan Indeksonline.

Rezultatin e dyfishoi Roberto Firmino në minutën e 30-të. Braziliani realizoi me kokë pas një krosimi të Robertson.

Golin e vetëm për Chelsean e realizoi N’Golo Kante në minutën e 71-të. Francezi realizoi në një mënyrë shumë të bukur.

Liverpool vazhdon të qëndroj në krye të tabelës me 18 pikë, pesë më shumë se Manchester City në vendin e dytë.

Chelsea aktualisht është në vendin e 11-të me 8 pikë të grumbulluara. /IndeksOnline/