Lladrovci: Personi i infektuar nga Drenasi, nuk jeton në komunën tonë dhe s’ka pas asnjë kontakt me banorët

Janë konfirmuar edhe 20 raste të reja me COVID19 në vendin tonë. Kështu numri i të infektuarve ka shkuar në 165.

Rashmë edhe komuna e Drenasit del të jetë e prekur nga koronavirusi, ku një person ka rezultuar pozitiv.

Në lidhje me këtë, ka bërë një shkrim, kryetari i komunës së Dreansit, Ramiz Lladrovci, transmeton Indeksonline.

Ai thotë se ndonëse është nga kjo komunë, ky person nuk ka kontaktuar fare me këtë komunë, pasi që s’ka qëndruar në shtëpinë e tij.

Ky është postimi plotë:

Pas paraqitjes së rastit të parë pozitiv me virusin covid-19, për qytetarët e komunës së Drenasit, deklaroj si në vijim:

Qytetari i infektuar me virusin covid-19, edhe pse është me adresë nga komuna jonë, gjatë muajve të fundit nuk kishte fare kontakte me komunën tonë.

Në kontakt me drejtorin e Institutit Kombëtar të Shëndetit Publik (IKShP), Prof. Dr. Naser Ramadani, u informova se një pacient nga komuna e Drenasit, është i infektuar me virusin covid-19.

Njoftoj qytetarët e komunës së Drenasit se pacienti ka lindur në komunën tonë dhe me adresë është nga komuna jonë, por muajve të fundit, nuk ka qenë në shtëpinë e vet në komunën e Drenasit.

Uroj që pacienti nga Drenasi por edhe të gjithë të prekurit tjerë nga ky virus, të shërohen sa më shpejt dhe të mos kemi raste të reja të infektimit, ndërsa familjarëve të të infektuarit, u kërkoj të ruajnë qetësinë dhe durimin në përballjen e suksesshme me këtë virus.

Ne do të veprojmë sipas rekomandimeve të IKShP dhe institucioneve relevante, në bashkëpunim me Këshillin Emergjent Lokal dhe instancat tjera komunale, duke ndërmarrë të gjitha masat për ruajtjen e shëndetit të qytetarëve, parandalimin dhe luftimin e virusit covid-19.

Kujdes po, panik jo!