Lluka: Tmava nuk ka pasur mandat që nga 6 shkurti

Ministri i Zhvillimit Ekonomik Valdrin Lluka tha sot në një konferencë të mbajtur pasdite se tashmë ish drejtori i Trepçës Ahmet Tmava i ka kaluar mandati më 6 shkurt dhe si i tillë nuk do të duhej të jetë as në zyrat e Trepçës.

Lluka këto komente i ka bërë pas situatës në Kombinatin Trepça ku drejtori Ahmet Tmava ka dhënë dorëheqje duke dertuar akuza në drejtim të ministrit Lluka për të cilin ka thënë se ka ndërhyrë në punën e tij.

“Këtë dua ta demantoj. Se së pari një drejtor i përgjithshëm që i ka skaduar afati më 6 shkurt nuk mund të jap dorëheqje pra s’ka pasur mandat dhe si e tillë nuk do të duhej të dilte absolutisht në zyrat e Trepçës”, tha Lluka.