LRF e Prishtinës shpalli Laureatët e grup-moshave të reja për 2018

Në praninë e drejtuesve të FFK-së, drejtuesve të klubeve, shkollave të futbollit, futbollistëve të rinj, prindërve dhe shumë personaliteteve nga jeta sportive e Rajonit të Prishtinës, Lidhja Rajonale shpalli Laureatët për grupmoshat e reja.

Para fillimit të ceremonisë së  ndarjes së mirënjohjeve, të pranishmit me një minutë heshtje nderuan legjendën dhe ish-presidentin e FFK-së, Fadil Vokrri, transmeton IndeksOnline.

Në fillim të pranishmit i përshëndeti sekretari i LRFP-së, Bajram Zeqiri, ndërkaq në fjalën e tij të rastit kryetari LRFP-së, Ismajl Ajeti, duke i përshëndetur të pranishmit, theksoi:

”Ky manifestim po mbahet me mbështetjen e FFK-së dhe LRF e Prishtinës është më e madhja  ku kemi 33 shkolla të futbollit, 21 klube të të gjitha rangjeve ku po punohet me të gjitha grupmoshat e reja me 146 ekipe, që vijnë nga komuna e Prishtinës, Podujevës, Lipjanit, Obiliqit, Fushë Kosovës dhe Gllogovcit”.

”Ne do të nisim garat edhe për U-9 nga viti që vjen. Pra, është bërë një punë e madhe në LRFP dhe do të vazhdojmë të punojmë edhe më shumë vitin që vjen. E nga ana e tij presidenti i FFK-së Agim Ademi duke i përshëndetur të pranishmit, theksoi se:

”LRF e Prishtinës është më e madhja dhe përbën gati gjysmën e FFK-së, më 21 klube dhe 33 shkolla të futbollit, ku 5 prej klubeve garojnë  me shumë sukses në Ipko Superligën e Kosovës. Ndjehem mirë se edhe unë vijë nga kjo Lidhje ku nuk kanë munguar asnjëherë rezultatet dhe sukseset dhe po vazhdojnë me rezultate ku janë më të mirat në grup moshat e reja. Prandaj më i miri nga këtu e ka peshën e vet të madhe edhe për FFK-në”.

”Besoj se janë zgjedhur më të mirët. FFK-ja po vazhdon me projekte sikur që këtë vit kemi ndihmuar klubet e Ligave të dyta apo siç e quajmë futbollin më popullor nëpër të gjitha rajonet dhe ne për fund e kemi lënë Rajonin e Prishtinës të cilin do ta ndihmojmë në të ardhmen. LR të futbollit përbëjnë mozaikun e FFK-së”.

”Do të kemi projekte të veçanta për shkollat e futbollit. Mua me gëzon fakti se klubet nga rajoni i Prishtinës që garojnë në Superligë, po arrijnë suksese e këtu po e  shoh Tahir Batatina, i cili po jep një kontribut të madh dhe kur shumë kush mendoi se Llapi nuk do të tejkalojë vështirësitë  u gjeten njerëz të fortë dhe tash Llapi po ecë sigurt”.

”Po ashtu Prishtina  është lidere në tabelë, Feronikeli e Flamurtari po ashtu janë në pozitë të mirë, skuadra e KEK-ut është në një pozitë pak të palakmueshme, por edhe ajo do të tejkalojë gjendjen. Krejt në fund ju garantoj se FFK do të vazhdojë me projekte të ndryshme për zhvillimin e futbollit të Kosovës”.                                                                                                                                                                         
Në fund të këtij manifestimi u shpallën më të mirët.

Për grup moshën  U-11 më të mirët ishin:

Jon Shala – futbollist i vitit 

Diell Tahiri – vendi i dytë 

Sead Jashari vendi i tretë 

Për grup moshën  U-13 më të mirët ishin:

Elton Krasniqi – futbollist i vitit 

Igaball Jashari vendi i dytë 

Gentian Aliu vendi i tretë 

Për grup moshën  U-15 më të mirët ishin:

Granit Shabani – futbollist i vitit 

Bleart Kastrati  vendi i dytë 

Diar Halili vendi i tretë 

Për grup moshën  U-17 më të mirët ishin:

Taulant Haliti – futbollist i vitit

Albion Shurdhiqi  vendi i dytë 

Edonis Pervetica vendi i tretë 

Me mirënjohje u nderuan:

-Federata e Futbollit e Kosovës

– Tahir Morina – trajner i Sh. F. “Ardhmëria”

– Gani Kosumi – gazetar sportiv

– Shkolla e futbollit “Besiana” skuadra më fair Play dhe

-Dren Berisha pos moretm (u-13 i F.Kosovës)./IndeksOnline/