“Lugu i Verdhë”, një nga vendet më të bukura turistike, po realizohet në këtë qytet të Kosovës

Kryetari i Kamenicës ka njoftuar se po realizohet projekti më i madh turistik në këtë qytet i quajtur “Lugu i Verdhë”.

Merita për këtë projekt ka edhe ministri i Administrimit të Pushtetit Lokal, Elbert Krasniqi që ka ndarë 400 mijë euro investim nga MAPL.

“Lajmi i muajit: Po realizohet LUGU I VERDHË/GREEN VALLEY🌲 projekti më i madh turistik në Kamenicë
Jemi rrugës që Kamenicën ta bëjmë një nga atraksionet më të mira turistike në Kosovë. Në Green Valley do të bëhet mundur që të realizohen këto aktivitete:
🚴‍♀️ Çiklizëm/7km
🧗 Hiking
🍗 Piknik dhe grill në hapësirë të dedikuar
🌳 Shteg për ecje në mes të natyrës mahnitëse
🚶Ecje mbi liqenin
🚶‍♀️Ecje për gjatë kanionit
🍒🍓 Fruta të ndryshëm natyral
🪨 Vizitë shkëmbit të Busavatës dhe shpellës brenda tij
🏊 Not në Liqenin e Rubovcit
🎣 Peshkim
⛵Lundrim me varkë
🧒 Kënde për lojra të fëmijëve
🏕️ Ambient fantastik për kamping
Këto dhe shumë të tjera, vijnë nga 💶400,000 euro investim nga MAPL për projektin më të madh turistik në Komunën e Kamenicës deri më sot.
✍️Bashkë me Ministrin e Administrimit të Pushtetit Lokal z. Elbert Krasniqi dhe përfaqësuesin nga Komuna e Artanës, kemi nënshkruar Marrëveshjen e Mirëkuptimit për projektin “Lugu i verdhë/Green Valley”.
Për përkushtimin e jashtëzakonshëm për gjithë projektin, e falenderoj Drejtorin e Urbanizmit Uran Berisha” shkruan Rahimaj në njoftim./Indeksonline/