Lumir Abdixhiku nuk shkon me Vjosa Osmanin, mbetet në LDK

Pas paralajmërimit të Vjosa Osmanit se do të krijojë një iniciativë të re politike, sot në media janë lakuar emrat e disa zyrtarëve të LDK-së që do t’i bashkohen kësaj nisme.

Në mesin e emrave të përmendur ishte edhe ish-ministri i Infrastrukturës, Lumir Abdixhiku.

Burimet e IndeksOnline të afërta me Abdixhikun kanë thënë se ai nuk do t’i bashkohet kësaj iniciative dhe se do të jetë pjesë e Lidhjes Demokratike të Kosovës.

Ndryshe, kryetarja e Kuvendit të Kosovës, që nga kundërshtimi për rrëzimin e Qeverisë Kurti, u bë e padëshiruar në partinë e saj LDK-në.

Me kërkesë të  kryetarit Isa Mustafa, Osmani u shkarkua madje edhe nga pozita e nënkryetares dhe anëtares së Këshillit të Përgjithshëm, me arsyetimin se nuk kishin qëndrime të njëjta./IndeksOnline/