Lushaku-Sadriu për mësimin gjithditor: Reforma po tregon që rezultatet janë të prekshme

Drejtoresha e Arsimit r Komunë së Prishtinës, Jehona Lushaku-Sadriu, përmes një video të publikuar në rrjetin social në Facebook ka folur lidhur me mësimin gjithditor.

Ajo ka sqaruar edhe njëherë se mësuesve nuk do t’ju zgjatet orari i punës nga zbatimi i projektit të mësimit gjithëditor.

”Nuk zgjatet orari për mësimdhënësit. Rriten njohuritë e shkathtësitë e nxënësve”, ka shkruar ajo.

Ndërka ajo u shpreh se në përmbyllje të gjysmëvjetorit të parë të mësimit gjithditor në 5 shkolla të Prishtinës, reforma po tregon që rezultatet janë të prekshme me punën e njëjtë, por në një formë tjetër.

Ajo ka publikuar një video në të cilën paraqiten rezultatet e larta të arritura nga mësimi gjithditor në pesë shkolla të Prishtinës.