17:45 / E Enjte, 30 Maj 2024 / FR

Lushtaku kujton në 25-vjetorin e vrasjes, Rasim Kiçinën e Ragip Halilajn

Nënkryetari i Skenderajt, Sami Lushtaku ka kujtuar në 25-vjetorin e rënies së tyre, Rasim Kiçinën e Ragip Halilajn.

Për Kiçinën, Lushtaku shprehet se ishte luftëtar i orëve të para e sypatrembur, që ra bashkë me Halilajn në një pritë të organizuar nga forcat serbe.

“Në prag të çlirimit të Kosovës, Ushtria Çlirimtare e Kosovës humbi një nga luftëtarët e orëve të para, burrin e fortë e organizatorin e luftës çlirimtare, Rasim Kiçina”, shkroi nënkryetari në Facebook.

“Rasimi ishte luftëtar sypatrembur e modeli më i mirë i patriotit që për atdheun nuk kurseu asgjë. Ai ra bashkë me luftëtarin tjetër Ragip Halilaj, në një pritë të organizuar nga forcat serbe me 30 Maj 1999. Lavdi e përjetshme!”.