Magnati i medias Rupert Murdoch martohet për herë të pestë në moshën 93-vjeçare
Magnati i medias, Rupert Murdoch është martuar për herë të pestë në moshën 93-vjeçare me Elena Zhukova, një biologe molekulare në pension 67-vjeçe me origjinë ruse.
Miliarderi australian dhe Elena Zhukova u martuan në pronën e Murdoch-ut në Kaliforni. Shkencëtarja është nëna e Daria Zhukovas, filantropiste dhe koleksioniste arti, ish-gruaja e oligarkut rus Roman Abramovich.
Fotot e “The Sun” tregojnë Rupert Murdochun me një kostum të zi dhe kravatë të verdhë, duke buzëqeshur pranë gruas së tij me një fustan të bardhë, duke mbajtur një buqetë me lule.
Rupert Murdoch-u lindi gjashtë fëmijë. Martesa e tij e parë, me Patricia Bookerin, një stjuardesë australiane, zgjati nga viti 1956 deri në vitin 1967. e dyta, me gazetaren britanike Anna Torve, zgjati më shumë se 30 vjet.
Më pas ai u martua me Wendy Dengun, një sipërmarrëse me origjinë kineze dhe e diplomuar në Universitetin Yale, deri në divorcin e tyre në 2013.
Pas divorcit nga modelja Jerry Hall në vitin 2022, miliarderi u fejua për herë të pestë me Ann Leslie Smithin në pranverën e vitit 2023. Ata u ndanë në më pak se një muaj.
Në nëntor 2023, manjati tërhiqet nga kryesia e Fox Corporation, kompania mëmë e rrjetit televiziv të preferuar të konservatorëve amerikanë Fox News, dhe nga kryesia e News Corp dhe vendos t’i dorëzojë frenat djalit të tij Lachlan.
