Malisheva shënon fitore bindëse në miqësoren ndaj skuadrës rumune

Malisheva sot ka zhvilluar një ndeshje miqësore gjatë fazës përgatitore në Bullgari.

Nënkampioni i Kosovës u përball me skuadrën rumune, Sepsi OSK, duke fituar me rezultat 3-0, shkruan IndeksOnline.

Dy gola në këtë ndeshje i shënoi futbollisti Laurent Xhylani dhe një tjetër Mark Bushaj.

Kjo ishte ndeshja e parë e Malishevës nën drejtimin e trajnerit Thomas Brdaric, i cili po përgatit skuadrën për play-offin e Conference League.

Malisheva në raundin e parë kualifikues do të luaj ndaj skuadrës shqiptare, Vëllaznia./IndeksOnline/