Mallorca e mbyll sezonin me fitore, Vedat Muriqi me 15 gola
![](https://indeksonline.net/wp-content/uploads/2023/06/Vedat-Muriqi.jpg)
Mallorca e ka mbyllur me fitore sezonin 2022/23 në La Liga.
Në ndeshjen e vlefshme për javën e 38-të dhe të fundit, skuadra e drejtuar nga Javier Aguirre mposhti Rayo Vallecanon.
Mallorca fitoi si vendase me rezultatin e pastër 3:0. Në këtë përballje kontribuoi me gol Vedat Muriqi.
Sulmuesi kosovar, i cili luajti për 77 minuta, ishte autor i golit të parë të shënuar në minutën e 51-të.
Vedat Muriqi scored 15th goal today for Mallorca in LaLiga this season.
— Kosovan Football 🇽🇰 (@kosovanfooty_EN) June 4, 2023
He is making history with Mallorca ♥️pic.twitter.com/sPSqNCScFf
Për Muriqin ishte ky goli i tij i 15-të për këtë sezon, me ç’rast ai ia del të renditet si një prej golashënuesve më të mirë në elitën e futbollit spanjoll. Ai ka edhe tre asistime.
Golat tjerë për fitoren e “Piratëve” u shënuan Jose Copete (71’) dhe Angel Rodriguez (90+4’).
Mallorca e mbyll sezonin me 50 pikë të grumbulluara dhe në pozitën e nëntë.
Rayo Vallecano renditet dy pozita më poshtë me një pikë më pak.