Manchester City do t’i përfitojë mbi 1 miliard euro nga marrëveshja e fanellave me “Puma”
Manchester City do të përfitojë jashtëzakonisht shumë nga firma “Puma”.
“Citizens” në fakt e kanë nënshkruar një kontratë rekorde me kompaninë e njohur të veshmbathjeve.
Mediumi britanik “Mirror” raporton se “Qytetarët” do t’i përfitojnë nga 100 milionë funte në vit, përkatësisht 115 milionë euro nga marrëveshja e saponënshkruar.
#ManCity’s kit deal extension with Puma could eventually be worth £1 BILLION, with the agreement now running until at least 2034/35 and valued at £100M a season – making it the highest in Premier League history.
— City Xtra (@City_Xtra) July 15, 2025
[via @TyMarshall_MEN]pic.twitter.com/9XCSlFIz11
Palët kanë nënshkruar kontratë për 10 vjet, që nënkupton se klubi anglez do t’i përfitojë mbi 1 miliard euro nga kjo marrëveshje, e cila është rekorde sa i përket njërës prej ligave më të forta në botë – Premierligë.
Kjo shumë e kalon marrëveshjen paraprake vjetore të Cityt, e cila vlente 65 milionë funte, më saktësisht 75 milionë euro, e nënshkruar në vitin 2019.
Kështu, marrëveshja e re e “Citizens” e kalon kontratën aktuale që e ka rivali lokal, Manchester Unitedi me kompaninë tjetër të veshmbathjeve, “Adidas”, që vlen 90 milionë funte në vit (103 milionë euro).
