Manchester City rrezikon dënim drastik në Premier League

Manchester City mund të përballet me një nga ndëshkimet më të rënda në historinë e futbollit anglez, nëse shpallet fajtor për 115 akuzat e ngritura ndaj klubit në lidhje me shkeljet e pretenduara të rregullave të Fair Play-it Financiar.

Sipas raportimit të GOAL, një dënim i konsideruar “logjik” në këtë rast do të ishte një zbritje prej 40 deri në 60 pikësh në Premier League, shkruan IndeksOnline.

Një penalizim i tillë do të kishte pasoja të mëdha për klubin, duke rrezikuar seriozisht pozitat e tij në renditje dhe potencialisht edhe qëndrimin në elitën e futbollit anglez.

Çështja ndaj kampionëve të Anglisë mbetet një nga më të diskutuarat në futbollin evropian, ndërsa vendimi përfundimtar pritet të ketë ndikim të jashtëzakonshëm jo vetëm për klubin, por edhe për imazhin dhe integritetin e kampionatit anglez./IndeksOnline/